هتجوزها واغيرها
هتجوزه واغيره
دائما وابدا عندنا شعور غريب اننا نقدر نغير اي انسان باشاره واحده مننا
نقوله اتغير هيتغير
نقوله ابقي الشخص اللي محتاجينه في حياتنا هيبقي
غريبه جدا تصورنا باننا نقدر نتحكم في اخلاق وطبايع من حولنا ليكونوا ما نريد
ونسينا ان ربنا سبحانه وتعالي خلق كل انسان بشكل مختلف
بحياه مختلفه
بطبايع وتفكير مختلف
كل انسان له بصمه خاصه به في كل شئ
يكتسبها مما وممن حوله
ولان مفيش اي حد بيعيش حياه حد
ماينفعش شخص يبقي غير نفسه
وحتي لو اتغير
هيتغير لان هو عايز يتغير
لانه حابب يتغير
لانه شايف انه لازم يتغير
مش لان غيره شايف كده
نغمه غريبه جدا موجوده بين الشباب والبنات دلوقتي
شاب يرتبط ببنت بعيد عنه تماما فكريا
ويمكن كان بينتقد تصرفاتها
لكنه ارتبط بيها لانها هتتغير
هو هغيرها
هو هيفصلها علي مقاسه بعد كده
بنت تقبل الارتباط بشخص لا يوافقها تماما
علي امل انها ستفعل المستحيل وهتغيره
ونسيب ان ده في المسلسلات والافلام وبس
وفي الاخر بقول لو فيه حد بيتغير عشان حد
ليه انت ماغيرتش نفسك عشان تتوافق مع الطرف التاني
5 comments:
الاول الف مبروك على المدونه يا جنه
ثانيا فعلا وجهه نظر ان ليه بنفرض ان الطرف التانى هو اللى غلط واللى لازم يتغير
بس صديقنى الواحد لما يبقى صادق مع نفسه هيعرف مين اللى عايز يتغير
:)
مبروك يا جنه على المدونه
بصى يا جنه
لو فى حد عاوز يتغير هيتغير
ده لو هو غلط
ومش دايما افتراضنا بأن الطرف الاخر هو الغلط
بيكون فى محله
دي اول زيارة ليا
ماشاء الله مدونتك رائعة
وتعليق علي موضوعك
الطبائع لاتتغير
انا كنت فاكره كده وانا صغيرة بس لماكبرت وقعدت مع الاكبر وبدات اسمعلهم
عرفت
ان مفيش حد بيتغير غيرلما يكون هوة نفسه راغب في التغير وعاوز يتغير
لكن لو فضلت تحايله مليون سنة لن يتغير حتي يشعر انه يريد ذلك
:امنيه
الله يبارك فيكي حبيبتي
ومبروك ليكي
حبيبتي لو صادق كان اتغير من نفسه
:رضوي
الله يبارك فيكي يا قمر
وحشتيني
هيتغير لو اقتنع انه غلط
مش لو غيره اقتنع انه غلط
اخوانيه مصريه
نورتي المدونه ويارب تفضل عاجباكو علي طول
صح
اللي بيتغير لانه شايف ضروره داخله واقتناع انه يتغير
غير كده مش هيتغير
Post a Comment