نجحت اوعي تقول او قول يعني الحمد لله
اتخطبتي اوعي تقولي او قولي عريس اي كلام
اتجوزتي اوعي تقولي او قولي بلا جواز بلا نيله
حامل اوعي تقولي او قولي ده انا تعبانه والحمل تاعبني وبموت
اشتغلتي اوعي تقولي او قولي ده الشغل مطلع عيني واشتمي في اصحاب الشغل
جبتي شقه جديده اوعي تقولي او قولي دي شقه في منطقه زباله ومش متشطبه ودفعت كل اللي حيلتي
وهكذا وهكذا وهكذا
تتفنن فتيات وسيدات المجتمع المصري بعدم وصول اي خبر سعيد لشخص اخر
حتي لو كان اقرب المقربين ليها
داري علي شمعتك تقيد
وعين الحسود فيها عود
وتبدا حاله الرعب والفزع ان حد يعرف سر القنبله الذريه
قصدي الفرحه الاسريه في اي بيت مصري
ولو حد عرف من بره وييجي يمسك حد من البيت يقرره
ويبقي البيت كله موصي ماتقولش لحد
وتبقي بين نارين
يا اما تقولي وتستحملي اللي هيحصلك في البيت
او كاتقوليش ويبقي شكلك وحش قوي قدام اللي بيسال
لان كده كده مفيش حاجه بتستخبي
وهو بيسال عشان يمتحنك خايف مني مش هتقول
ولا مش خايف
وتبدا معركتك داخليا اقول ولا ما اقولش وتبحثي عن اي جمله تجعل الاجابه عايمه
يعني لا تاكدي ولا تنفي
يعني الحمد لله ربنا يسهل ما اعرفش احتمال
كلام من هذذا النوع
ولما توصلي البيت بعد سؤال المقرراتي
يبدا السؤال طيب هو عرف منين
يا ساتر هو مين اللي قالها دي ؟؟
ويبدا الشك ينتشر في وسط الاسره
ياتري مين الخاين
اللي ممكن يكون من غير قصد وبحسن نيه قال
الويل له الويل له
وبعد ذلك يتحول كل اهل البيت الي خبثاء
يبحثون عن اجوبه جهنميه لكل سؤال بعد انتشار الخبر السعيد
وبهذا تتحول كل مناسبه سعيده الي حرب بارده
يبدا كل سائل ان يتمحص ويفهم اللي ورا السطور
وداري علي شمعتك تولع في البيت كله
14 comments:
والله عندك حق يا جنة
الواحد بقى بيقلب أي مناسبة مفرحة لأحزان علشان مايتحسدش
ومش واخد باله إن هو إللي بينكد على نفسه مش الحاسدين
ولا حول ولا قوة إلا بالله
سبحان الله مشكلة مزمنة والمشكلة أنك لا تعلمين من أين تأتي الطعنات أقصد السهام أقصد الحسد
فليسأل كل منا نفسه
هل أنا حسود
أريد أن أقول أن على الإنسان أن يعلم أن بداخله حسودا شاء أم أبى ومع نظرته شيطان ينفث شاء أم أبى وعليه أن يحاول أن يغلق أبواب ذلك بالدعاء بالبركة وتمني الخير للناس واستحضار ذلك دائما
وتمرس الفرح لفرح الناس وأيضا الرضا بما عنده من الخير والنعم وهذا أمر يطول الكلام فيه ويطول التمرس عليه
و الله انتي حطيتي ايدك علي شيء لا يخلو اي بيت منه
و اصل المشكلة هي ان محدش بيحاول يجاهد نفسه من أجل ان يكون قلبه سليم و الواحد نفسه اتقطع من كتر الكلام في الموضوع ده و الله
لأن مع الاسف من امراض العصر هو الحسد في كل شيء ذكرتيه في تدوينتك و حتي الحسد في الايمان و الالتزام
و قد ايه شيء وحش اني ابص لغيري و اتمني زوال النعمة من عنده و ابتدي اقول اشمعني انا معنديش اللي عنده و اتحول الي حاسد و حاقد و اكون قد خسرت كثيرا
سمعت حديث عن النبي صلي الله عليه و سلم فيما معناه ان الحسد يأكل الحسنات
سبحان الله
الحسد زي النار اللي بتأكل في حقل مليء بالثمار اليانعة لأن الحسنات دي كنز فلا ينبغي ان نجعلها هباءا منثورا في اشياء مضرة لا ينبغي لمسلم ان يمتلكها داخله
مع العلم ان كلها دنيا لا تساوي عند الله جناح بعوضه فلم التنازع عليها و التباغض فيها
و كما قال اخي عصفور الكلام يطول في مناقشة هذا الامر
جزاكي الله خير و ياريت كل تدوينتنا تبقي كذلك بمثابة تشخيص لكل امراض عصرنا
نسأل الله العفو و العافية
مابحبشش التعامل بالاسلوب ده
بيغيظنى
تم افتتاح مدونات
4xmisr
لتعليم التدوين على بلوجر باحتراف
spot-weblog.blogspot.com
الثانية للتعامل مع الانترنت بأمن
4xpert.blogspot.com
(تحت الانشاء)
باقى المدونات للربح من الانترنت لمن يهتم بذلك
شاكرين لكم سعة صدركم مقدما
وأرجو التواصل معنا بابداء الأراء والتوجيهات شكرا
فعلا يا طعمه
بنقعد نداري نداري ع الخبر
وبيبقي عندنا هاجس ان الناس كلها عرفت
فننكد علي نفسنا وعلي كل اللي حوالينا
بدل العكس
عصفور المدينه
علي فكره انا لا اقصد ان الحسد غير موجود
بس احنا قلبناه لهاجس بطريقه غير معقوله
اتحول لرعب من كل اللي حوالينا
وانت اكيد عندك حق
لازم كل واحد فينا يتعود علي ذكر الله في المواقف دي
سعني يقول بسم الله ماشاء الله
او ربنا يتمم بخير
عشان يمنع نفسه اولا من ان يحسد
الرسول صلى الله عليه وسلم قال
استعينوا على قضاء حوائجكم بالكتمان
عارفه ليه لان للاسف فيه ناس مش بتحب الخير لغيرهاوانا بصراحه جربت الطريقتين طريقه انك تقولى لكل الناس بسلامه نيه تلاقى كل حاجه اتلخبطت وباظت بعد ما كانت ماشيه كويس جدا
وجربت انى فعلا اخبى وسبحان الله اللامر لم يحجث فيه اى تعقيد ولا اى حاجه
حتى لو سافرت للاستجمام عارفه لو سافرت من غير ما اقول لحد بتكون اجازة جميله ومريحه ولو قلت لحد ممكن تحصل بلاوى
صدقنى عن تجربه بجد من قله الايمان الحسد انتشر جدا جدا
والغيره من نجاح الاخرين
والعين حق كما قال الرسول صلى الله عليه وسلم
وقال ايضا لو اعجب احدكم بنعمه عنده فليقل بسم الله مشاء الله اللهم بارك لى فيما اعطيتنى
داعيه المستقبل
فعلا تمني زوال النعمه من الغير شئ وحش قوي قوي
وانا اول مره اسمع الحديث اللي زكرتيه
بس فعلا حديث مرعب
بس للاسف مش منتشر
عشان يبعد الناس شويه عن الحسد
نورتي ياداعيه
ومين سمعك يارضوي
انا بيضايقني فعلا
رفقه الجميله
حبيبتي انا ما اقصدش مانخافش من الحسد
لان انا شخصيا واخده بالي من الموضوع ده
وبحاول ما اقولش
بس لما الموضوع يتحول لهوس
مين قال ومين عرف
وعلي فكره الكلام اللي في البوست
مش تهويل
ده بيحصل فعلا
بنفس الاسلوب
فبنحول فعلا الفرحه الي خوف من معرفه الغير بالفرحه
اسف جدا اني لم اعثر على المدونه دي الا النهارده
من الاخر
حقولك مش سيدات بس اللي بيفكرو كده
لااااااا
دا في رجاله كمان
هو دا تفكيرهم بس ليه
دا السؤال
بجد خايفين من الحسد
طب ونحسد ونتحسد ليه سبحان الله
ي ارزاق ومتقسمه
بس مين يعرف ومين يوعى
تحياتي
اخ اسكندراني اوي
من غير اسف ولا حاجه المهم انك وصلت وتبقي تنورنا علي طول ان شاء لله
بس العدد الاكبر اللي بيركزوا في الموضوع ده وبمنتهي الصراحه بنات وسيدات
انا بشوف الرجل مهما كان تفكيره بيبقي عملي اكتر
لكن الست لان التفكير العاطفي بيغلب عندها
فبتبقي دايما الخوف من الحسد
شاغلها
تحياتي ونورتي المدونه
جامدة موووووت
ولكن رسول الله صلي الله عليه وسلم قال أستعينوا علي قضاء حوائجكم بالسر والكتمان
وقال المولي علي لسان يعقوب عليه السلام
(قَالَ يَا بُنَيَّ لاَ تَقْصُصْ رُؤْيَاكَ عَلَى إِخْوَتِكَ فَيَكِيدُواْ لَكَ كَيْداً إِنَّ الشَّيْطَانَ لِلإِنسَانِ عَدُوٌّ مُّبِينٌ )
فكتمان الخبر عمن علم عنهم بالحقد والحسد وارد جداً حتي لو كانوا الأخوة
Post a Comment