Tuesday, October 28, 2008

إحنا الناس التانيين



لفتره اللي فاتت فكرت اكتب كتير والحمد لله مصر مش محتاجه التفكير في موضوعات
عندنا من الموضوعات والكوارث والاحداث مايمكن ان يوضع في موسوعة جينيس

لاكثر البلاد كوارث في العالم وخاصةالفتره الاخيره بقينا تقريبا يوميا

بنسمع عن حوادث وكوارث جديده ولان بشوف ان مجرد الكتابه عن الحدث

هيجعل المدونه اخباريه وده انا مش عايزه واعتقد ان كلنا نقدر نقرا الاخبار

ونقدر نشوف تحليلها من اكثر من موقع واكثر من برنامج واكثر من مدونه

وعلشان كده يمكن انا حابه اسال سؤال في وسط كل ده

يعني تحب نبدا من الاول ولا من الاخر من اول حكم براءه ممدوح اسماعيل

وقطر مرسي مطروح والدويقه

لغاية البنت اللي ماتت لانها فكرت انها تنزل من المترو

ولا الطفل اللي عمره 11 سنه اللي ضحك فانضرب بالشللوت من المدرس

ولا الالف فيلا اللي الحكومه اكتشفت فجاه ان الارض ملكها ولا ولا ولا

وماخفي كان اعظم

والغريب بقي ان كووووووووووول الكوارث دي

وماسمعتش اسم رئيسنا غير مرتين او تلاته

واحده ساعة العفو العظيم عن ابراهيم عيسي

والاخري في الزيارتين الاخيرتين لرئيس وزراء اسرائيل ورئيس بريطانيا

وشفته طبعا يوم اوبريت 6 اكتوبر فرحان وبيسقف

والاخبار مليئه دائما بانشغاله بالقضيه الفلسطينيه ومساعدة اليمن في كوارثها

ساعتها بفتكر نكته بحبها ودايما بضحك عليها

لما دخل واحد فجاه علي ناس معاهم سلاح فوقفوه

وقالو له انت معانا ولا مع الناس التانيين خاف وقال انا معاكم

راحو قايلين احنا الناس التانيين

فهو حاجه من الاتنين يا اما حكامنا هما الناس التانيين

او احنا الناس التانيين

2 comments:

Unknown said...

عارفه لقد وقفت كثيرا بين كلماتك .. واستوقفنى مواقف كثيرا ايام الانتفاضه فى فلسطين وتذكرت احدهم ينادينى .. بان الظابط _فلان) امر باعتقال (فلان) لانه قام بتهييج الطلبة والشعب ضد الحكومات الامريكيه والاسرائيلية .. فتساءلت واين المصرية اذن .. السنا نحن من نملك الحقوق للتعبير عن راى عربى مباشر ام لا .. وتذكرت خطاب احدهم عندما قال ( احنا طرف محايد ) تصدقى عنده حق .. مش عارف بقى شعبنا طرف محايد يقصد ولا هو بس ..

جميل اوى فكرك ..
ليكى منى :)

من بعيد بكتبلك

جنـه said...

نورتني وشرفت المدونه أخي
إحنا للاسف شعوب أقوال لا افعال
احنا اكيد محتاجين كشعب عربي نبقي ايد واحده ولكن بالفعل ولازم الفلسطينيين اولا يفهموا ده داخليا قبل مايطالبو بيه اي بلد عربيه او اجنبيه انها تقف مع قضيتهم