السلام عليكم ورحمه الله وبركاته
بقالنا فتره كده بنسمع حوادث كتيره او كوارث
عن ناس فضلوا الانتحار والموت كافر علي انهم يعيشوا فقرا
ومنهم قتل اولاده وزجته لانه شايف انه لما يقتلهم من غير ذنب هيروحوا الجنه ويستريحوا من الفقر
انا مش عايزه اتكلم عن حرمانيه الانتحار
واني اقول انه مجنون لانه فكر انه يموت كافر لاي سبب
ده كله معروف
بس فيه سؤال محدد بيدور في دماغي
هو فيه ايه جديد حصل في مصر غير كل مفاهيمنا
ايه اللي حصل خلي نفسنا هينه علينا بالمقارنه مع شويه فلوس
هل مفهوم الفقر ده جديد علي مصر؟؟؟
ولا احنا اللي بقت احتياجتنا الاساسيه في زياده
واصبحنا نتصور ان كل شئ اساسي ومهم
ولا الاعلام
اللي اصبح بيضغط ع الشعب بالسلع استهلاكيه مستفزه
ومسلسلات وافلام
اصبحت فيها الفيلا والعربيه وكل الكماليات هي طبائع الامور
ولا طموحنا بقي اكبر من امكانيتنا
ولا احساسنا بالظلم في بلد المسئول فيها بيزود الموظف ربع جنيه
ويزود تمن السلعه جنيه
ولو شاطر حاول تعيش
ليه بقي قتل الروح سهل
ليه بقي ديننا اخر همنا
4 comments:
سلام عليكم
مدون متميزة جدا
جدا
كلمة مهمة جدا قلتيها و لخصتي فيها الموضوع
"ولا احنا اللي بقت احتياجتنا الاساسيه في زياده"
دلوقتي تلاقي البيت من دول مش لاقي ياكل
و كلهم معاهم مموبايلات
و الدش شغال في البيت
تلاقي سواق عاربي كارو و معاه موبايل
الناس اهتمت بالفرعيات على حساب الأساسيات
و اللي رخص الروح هو الابتعاد عن ربنا
و برده الدولة اللي بتنزل خطوة خطوة على سلم التخلف و الانحطاط في كل المجالات
الحل في ايدينا احنا الشباب
كل واحد و واحدة فينا هيبقى مسئول عن اسرة و شغل و ربما مسئولية كبيرة
يتقي الله في شغله و اولاده
يمكن يتكون جيل
يخاف ربنا
و يكون هدفه دخول الجنة
مش الانتحار
ربنا يباركك و بثبتك و يدخلك الجنة
قولي آمين
اخ علاء
متشكره جدا علي اهتمامك
ومرورك
فعلا احنا احتياجتنا الاساسيه اصبحت اكتر من امكانيتنا
وكتير مننا كمان بيكسل يحسن مستواه
فبيبدا في الحقد والياس
شكرا لمرورك
وياريت تشرفنا تاني:)
إللي باسمعه من الناس الكبيرة يا جنة
إن بالرغم من وجود الظلم والانحرافات أيام الملكية
إلا إن كل الناس بدون استثناء كانت لاقية تاكل
مش عارفة المشكلة بقيت فين بالضبط
بس الأكيد إن إللي بيحصلنا ده من أنفسنا
مابقاش فيه يقين بإن الرزق بيد الله وحده
لا هو بإيد حاكم ولا سلطان
ومش مطلوب مننا أكتر من إننا نسعى وناخد بالأسباب
وكل إنسان لازم يستوفى رزقه كامل قبل ما يموت
طعمه حبيبتي
نورتي المدونه
وياريت ما تقطعيش الزياره
فعلا وحشتيني ونفسي اشوفك
بس تفتكري ان الشعب اتعود ع الكسل
فاستسهل الانتحار عن السعي؟؟؟
Post a Comment