السلام عليكم ورحمه الله وبركاته
اولا اسفه اني اتاخرت علي المدونه شويه
بس خدت اجازه شويه
اولا الاجازه كانت في الاول غصب عني
يعني مصيف تبع شغل اختي
لمده اسبوع
وانا لا بعرف اعوم ولا هنزل البحر
فهروح اعمل ايه
نكديه من يومي
المهم امي غصبت عليا
واخويا قعد يتحايل عليا
المهم سلمت امري لله
ورحت
كان المصيف لمده اسبوع في مرسي مطروح
وقبل ما اروح
كل ما اقول لحد انا رايحه مرسي مطروح
يحكيلي عن مناطق وشواطئ جميله
فقلت اروح اتامل في خلق الله شويه
واهيه فرصه اريح دماغي من كله
المهم كان سفر في الاتوبيس
لمده 7 ساعات
لكن البلد بجد جميييييييييله
وكل ما اروح مكان
اقول سبحان الله الذي ابدع في خلقه
فعلا ربنا سبحانه وتعالي جميل
لا يخلق الا كل جميل
المهم اني الحمد لله
رجعت الي القاهره امبارح
واول ما دخلت القاهره
كان نفسي ارجع تاني للهدوء وللجمال والنضافه والتامل
وماما قعدت تقول ايه الزحمه دي
فقلتلها هي دي مصر يا عبله وانا بضحك
كان اسبوع جميل
ودلوقتي عدنا للقاهره وللمدونه مره اخري
وقريبا مع بوست جديد
ان الله جميل يحب الجمال
انتظرونا
5 comments:
حمد لله ع السلامة وفي انتظار البوست
حمد لله علي السلامة
والله أنا بحب مرسي مطروح جداً من علي بعد
:)
لأني مروحتهاش
ونفسي أزورها ان شاء الله
الجميلة جداً في هدوئها برضه
العريش
غير غير غير
:)
باشمهندس ما علينا
الله يسلمك
قريب ان شاء الله ينزل البوست
اخ بينو
الله يسلمك
مرسي مطروح جميله بشكل يبهر
انا اتحكالي عن العريش
بس ما شفتش
تيجي تبدل انا اروح العريش وانت مرسي مطروح
:)
حمد لله على السلامه
:)
Post a Comment