Saturday, March 1, 2008

الفـالنتيـن وأشيـاء أخري




الفالنتين أو يوم الحب هو كان يوم 14 فبراير انا ما بعرفش انه قرب الا لما أشوف الحياه بقت حمرا فجأه بسأل بقي هو


امتي بالظبط وعلي فكره كل سنه أسأل نفس السؤال مابحفظش أو علي الأقل مش بحاول أركز هييجي امتي وقرب ولا لا



وفيه حاجه كمان بتخليني أتأكد إنه قرب من الرسايل الدعويه والمواضيع عن حرمانية الاحتفال بهذا اليوم وأدله بتتقال



كل سنه وطبعا الشباب والشابات المسلميم وفيه منهم كتييييييير بيصلي وبيسمع وبيشوف الادله دي وبرضه بيحتفل



وبيشتري هدايا ده فيه محلات بتعيش السنه كلها علي ايرادات اليوم ده زي محلات الهدايا والورد والشيكولاته وكل سنه



تطلع اختراعات لأشكال الهدايا والناس بتسمع حكم الدين ويقولوا جمله واحده احنا لو دورنا علي حياتنا وبصينا علي



الحلال والحرام هنلاقيها معظمها حرام وبعدين حرام ليه هو كل حاجه حرام يوم حب يوم أم يوم ميلاد كله حرام وكلهم



حابين حالة الاهتمام اللي موجوده بين الناس في الايام دي وبتلاقي دايما مبرر يريح ضميرها من ذنب الحرمانيه فمنهم



اللي بيقول انه مش مقتنع ان الاسلام يحرم حاجه بتقرب الناس من بعض ولو يوم في السنه ده ضد فطرة الالهيه



للانسان ومنهم اللي مقتنع ان الكلام ده خاص بفئه معينه وهي المتشددين والمتعصبين فقط وهكذا فنحن دائما في كل عام



نبدأ عن الكلام عن أدله تثبت حرمانية مثل هذه الاحتفالات ولكن لا أحد يري ولا يسمع وإن قرأ أو سمع لا يريد أن يفهم



حتي لا تضيع فصته بالاحتفال باليوم الذي يظن انه يشعره بأنه محور إهتمام الجميع وأنا أعتقد ان هذا الشباب يحتاج



خطاب من نوع آخر حتي يفهم حكمة الاسلام من هذا الأمر فالسؤال لماذا حرم الاسلام مثل هذه المناسبات والاحتفال بها



؟؟؟ فجوهر الاسلام يدعونا دائما بالاهتمام بكل من حولنا في كل أوقات العام وليس ليوم أويومين فقط في العام فالأم مثلا



لايكفيها الاهتمام ليوم واحد فقط في السنه وان لازم ما تكونش علاقاتك بين اللي حواليك اساسها حب وموده وليس رد



الجميل او الهديه او مصالح وكل ما تزيد مصلحته تزيد هديته وان الحب بين الناس والموده مش شئ مادي بنقيسه علي



قد هديته وثمنها وان لو انسان نسي التاريخ ده ما يبقاش شخص وحش او بيكرهك لمجرد انه نسي اسباب كتييييييييييير



قوي موجوده في جوهر اسلامنا تمنع احتفالنا بهذه الايام وان الاسلام لم يمنعنا ابدا بالاحتفال والفرحه فجعل لنا عيدين



يجتمع فيها المسلمين جميعا علي فرحه واحده

8 comments:

رفقة عمر said...

جنه حمدا لله على سلامتك
وحشتينى قوى
اخبارك ايه
يارب تكونى بخير

Anonymous said...
This comment has been removed by a blog administrator.
جنـه said...

رفقتي الجميله فرحانه قوي انك لسه متابعاني وانك علقتي وانتي كمان وحشتيني قوي والتدوين كله واحشني وانا الحمد لله بخير

موناليزا said...

انا معاكى جدا فى كلامك وخصوصااننا مش محتاجين يوم فى السنة عشان نحب فيه لسبب بسيط وهو ان دينا اصلا بيحثنا على المودة وصلة الرحم وعلى المصارحة بالحب يعنى احنا مثلا-انا وانتى يعنى- لو بقينا اصدقاء عن قرب وعرفنا بعض كويس هنستنى لليوم ده عشان اقوللك فيه انى بحبك لا طبعا بدليل حديث رسولنا الحبيب اذا احب المرء اخاه فليخبره بذلك
وبعدين افرضى برضه ان فى اليوم ده قابلتى حد مش بترتاحيله لازم تقوليله بقى كل سنة وانت طيب حتى لو مالكيش مزاج
انا شايفة ان اللى بيبص لليوم ده على انه عيد يجب الاحتفال بيه نظرتهم سطحية
أحييكى وبالتوفيق

Anonymous said...
This comment has been removed by a blog administrator.
MR.TITO said...

للأسف كتير من الناس بتحتفل بيه برده مع انهم عارفين انه حرام، خاصة هنا العرب بيحتفلوا بيه بطريقة غير عادية يعنى عنا فى الكويت كانت احتفالات وانوار وضرب نار للصباح الباكر..

ع العموم شكرا ع الموضوع ومنتظرين الجديد ان شاء الله .

تحياتى

Anonymous said...
This comment has been removed by a blog administrator.
Anonymous said...
This comment has been removed by a blog administrator.